Skip to main content

ਸਿੱਖੀ ਦੇ ਗੁਲਦਸਤੇ ਦਾ ਅਨਿੱਖੜਵਾਂ ਅੰਗ ਨਿਰਮਲਾ ਪੰਥ…



ਨਿਰਮਲਾ ਪੰਚਾਇਤੀ ਅਖਾੜਾ ਨੇ ਸੱਦਾ ਦਿੱਤਾ ਕਿ ਨਵੀਂ ਪੀੜ੍ਹੀ ਨੂੰ ਸਿੱਖ ਧਰਮ ਵਿਚ ਨਿਰਮਲਿਆਂ ਦੇ ਯੋਗਦਾਨ ਨੂੰ ਜਾਣੂ ਕਰਵਾਉਣ ਲਈ ਵਿਸ਼ੇਸ਼ ਮੁਹਿੰਮ ਚਲਾਈ ਜਾਵੇ।
ਸੁਲਤਾਨਪੁਰ ਲੋਧੀ ੧੯ ਫਰਵਰੀ (ਸੀਚੇਵਾਲ ਟਾਈਮਜ਼)
ਪਾਉਂਟਾ ਸਾਹਿਬ 'ਚ ਹੋਏ ਦੋ ਦਿਨਾਂ ਸਮਾਗਮ ਦੌਰਾਨ ਪੰਜਾਬ ਤੇ ਹੋਰ ਸੂਬਿਆਂ ਤੋਂ ਆਏ ਧਾਰਮਿਕ ਆਗੂਆਂ ਨੇ ਕਿਹਾ ਕਿ ਸਿੱਖੀ ਇਕ ਗੁਲਦਸਤੇ ਵਾਂਗ ਹੈ ਜਿਸ ਵਿਚ ਵੱਖ-ਵੱਖ ਸੰਪਰਦਾਵਾਂ ਕੰਮ ਕਰ ਰਹੀਆਂ ਹਨ। ਬੁਲਾਰਿਆਂ ਨੇ ਕਿਹਾ ਕਿ ਸ੍ਰੀ ਅਕਾਲ ਤਖ਼ਤ ਸਾਹਿਬ ਨੇ ਵੀ ਨਿਰਮਲਾ ਭੇਖ ਨੂੰ ਸਿੱਖੀ ਦਾ ਅਨਿੱਖੜਵਾਂ ਅੰਗ ਦੱਸਿਆ ਹੈ। ਇਸ ਬਾਰੇ ਨਵੀਂ ਪੀੜ੍ਹੀ ਅਣਜਾਣ ਹੈ। ਨਿਰਮਲਾ ਪੰਥ ਦੇ ਇਤਿਹਾਸ ਨੂੰ ਘਰ-ਘਰ ਪਹੁੰਚਾਉਣ ਲਈ ਉਸੇ ਤਰ੍ਹਾਂ ਮੁਹਿੰਮ ਚਲਾਈ ਜਾਵੇ ਜਿਸ ਤਰ੍ਹਾਂ ਜੰਗਾਂ-ਯੁੱਧਾਂ ਵੇਲੇ ਸਿੱਖੀ ਦਾ ਪ੍ਰਚਾਰ ਕਰਕੇ ਇਸ ਨੂੰ ਚਲਾਇਆ ਸੀ। ਵਾਤਾਵਰਣ ਪ੍ਰੇਮੀ ਸੰਤ ਬਲਬੀਰ ਸਿੰਘ ਸੀਚੇਵਾਲ ਨੇ ਨਿਰਮਲਾ ਪੰਚਾਇਤੀ ਅਖਾੜੇ ਨੂੰ ਅਪੀਲ ਕੀਤੀ ਕਿ ਉਹ ਸੁਲਤਾਨਪੁਰ ਲੋਧੀ ਦੀ ਧਰਤੀ 'ਤੇ ਅਜਿਹੇ ਸੈਮੀਨਾਰ ਕਰਵਾਉਣ ਜਿਥੇ ਸਿੱਖ ਧਰਮ ਦੇ ਬਾਨੀ ਸ੍ਰੀ ਗੁਰੂ ਨਾਨਕ ਦੇਵ ਜੀ ਨੇ ਸਿੱਖੀ ਦਾ ਮੁੱਢ ਬੰਨ੍ਹਿਆ ਸੀ।

ਪਾਉਂਟਾ ਸਾਹਿਬ 'ਚ ਹੋਈ ਵਿਸ਼ੇਸ਼ ਗੁਰਮਤਿ ਵਿਚਾਰ ਗੋਸ਼ਟੀ ਦੌਰਾਨ ਨਿਰਮਲਾ ਪੰਚਾਇਤੀ ਅਖਾੜਾ ਕਨਖਲ (ਹਰਿਦੁਆਰ) ਦੇ ਮੁਖੀ ਸ੍ਰੀਮਹੰਤ ਗਿਆਨ ਦੇਵ ਸਿੰਘ ਨੇ ਕਿਹਾ ਕਿ ਖਾਲਸਾ ਪੰਥ ਦੀ ਸਾਜਨਾ ਤੋਂ ਪਹਿਲਾਂ ਸ੍ਰੀ ਗੁਰੂ ਗੋਬਿੰਦ ਸਿੰਘ ਜੀ ਨੇ ਪਾਉਂਟਾ ਸਾਹਿਬ ਦੀ ਧਰਤੀ ਤੋਂ ਹੀ ਪੰਜ ਸਿੱਖਾਂ ਨੂੰ ਨਿਰਮਲਾ ਭੇਖ ਵਿਚ ਗਿਆਨ ਹਾਸਿਲ ਕਰਨ ਲਈ ਕਾਂਸ਼ੀ ਭੇਜਿਆ ਸੀ। ਉਨ੍ਹਾਂ ਸਿੱਖੀ ਨੂੰ ਭਾਂਤ-ਭਾਂਤ ਸੰਪ੍ਰਦਾਵਾਂ ਦਾ ਗੁਲਦਸਤਾ ਦੱਸਦਿਆਂ ਕਿਹਾ ਕਿ ਸਿੱਖ ਧਰਮ ਦਾ ਦਾਇਰਾ ਏਨਾ ਵਿਸ਼ਾਲ ਹੈ ਕਿ ਇਸ ਵਿਚ ਬਹੁਤ ਸਾਰੀਆਂ ਸੰਪ੍ਰਦਾਵਾਂ ਦੀਆਂ ਸ਼ਾਖਾਵਾਂ ਹਨ। 
ਸਿੱਖ ਵਿਦਵਾਨ ਭਗਵਾਨ ਸਿੰਘ ਜੌਹਲ ਨੇ ਕਿਹਾ ਕਿ ਨਿਰਮਲਾ ਪੰਥ ਦੇ ਨਾਂ ਨੂੰ ਸੰਤ ਬਲਬੀਰ ਸਿੰਘ ਸੀਚੇਵਾਲ ਨੇ ਫਿਰ ਬੁਲੰਦੀਆਂ 'ਤੇ ਪਹੁੰਚਾ ਦਿੱਤਾ ਹੈ, ਜਦੋਂ ਉਨ੍ਹਾਂ ਨੇ ਬਾਬੇ ਨਾਨਕ ਦੀ ਪਲੀਤ ਹੋ ਚੁੱਕੀ ਪਵਿੱਤਰ ਵੇਈਂ ਨੂੰ ਮੁੜ ਨਿਰਮਲ ਬਣਾ ਦਿੱਤਾ ਹੈ। ਉਨ੍ਹਾਂ ਕਿਹਾ ਕਿ ਸਾਲ ੨੦੧੯ ਵਿਚ ਸੁਲਤਾਨਪੁਰ ਲੋਧੀ 'ਚ ਹੋਣ ਵਾਲੇ ਸਮਾਗਮਾਂ ਤੋਂ ਪਹਿਲਾਂ ਨਿਰਮਲਾ ਭੇਖ ਉਥੇ ਸੈਮੀਨਾਰ, ਵਿਚਾਰ ਗੋਸ਼ਟੀਆਂ ਤੇ ਹੋਰ ਧਾਰਮਿਕ ਸਮਾਗਮ ਕਰਵਾ ਕੇ ਆਉਣ ਵਾਲੀ ਪੀੜ੍ਹੀ ਨੂੰ ਨਿਰਮਲਾ ਪੰਥ ਦੇ ਇਤਿਹਾਸ ਤੋਂ ਜਾਣੂ ਕਰਵਾਏ। 
ਪ੍ਰੋ. ਸੁਖਦਿਆਲ ਸਿੰਘ ਨੇ ਆਪਣੇ ਸੰਬੋਧਨ ਦੌਰਾਨ ਕਿਹਾ ਕਿ ਸਿੱਖ ਇਤਿਹਾਸਕਾਰ ਗਿਆਨੀ ਗਿਆਨ ਸਿੰਘ ਵੱਲੋਂ ਛਪਵਾਏ ਗਏ ਪੰਥ ਪ੍ਰਕਾਸ਼ ਨੂੰ ਮੁੜ ਛਪਵਾਇਆ ਜਾਵੇ। ਉਨ੍ਹਾਂ ਦੱਸਿਆ ਕਿ ਉਨ੍ਹਾਂ ਵੱਲੋਂ ਜਿਹੜਾ ਪੰਥ ਪ੍ਰਕਾਸ਼ ਛਪਾਇਆ ਗਿਆ ਸੀ ਉਹ ਪੱਥਰ ਦੀ ਛਪਾਈ ਵਾਲਾ ਸੀ। ਅਜਿਹੇ ਇਤਿਹਾਸਕ ਗੰ੍ਰਥਾਂ ਦੀ ਸੰਭਾਲ ਕਰਨਾ ਸਮੇਂ ਦੀ ਮੁੱਖ ਲੋੜ ਬਣ ਗਈ ਹੈ। ਕਿਉਂਕਿ ਪਹਿਲਾਂ ਹੀ ਬਹੁਤ ਸਾਰਾ ਸਿੱਖ ਇਤਿਹਾਸ ਇਕ ਸਾਜ਼ਿਸ਼ ਤਹਿਤ ਨਸ਼ਟ ਕਰ ਦਿੱਤਾ ਗਿਆ ਸੀ। 

ਸ਼੍ਰੋਮਣੀ ਗੁਰਦੁਆਰਾ ਪ੍ਰਬੰਧਕ ਕਮੇਟੀ ਨੇ ਵੀ ਨਿਰਮਲਾ ਪੰਥ ਦੇ ਇਤਿਹਾਸ ਬਾਰੇ ਲਿਟਰੇਚਰ ਛਪਵਾ ਕੇ ਸਿੱਖ ਸੰਗਤਾਂ ਤੱਕ ਪਹੁੰਚਾਉਣ ਦਾ ਭਰੋਸਾ ਦਿੱਤਾ ਹੈ। ਇਸ ਮੌਕੇ ਨਿਰਮਲ ਤਖ਼ਤ ਤਲਾਬ ਬਾਬਾ ਬੁੱਢਾ ਜੀ ਸਾਹਿਬ ਰਾਮਦਾਸ ਅੰਮ੍ਰਿਤਸਰ ਦੇ ਮੁਖੀ ਬਾਬਾ ਭਗਵੰਤ ਭਜਨ ਸਿੰਘ, ਸ੍ਰੀ ਮਹੰਤ ਸੁਆਮੀ ਗਿਆਨ ਦੇਵ ਸਿੰਘ ਜੀ, ਸੰਤ ਬਲਵੰਤ ਸਿੰਘ ਜੀ ਕੋਠਾਗੁਰੂ, ਸੰਤ ਅਵਤਾਰ ਸਿੰਘ ਜੀ ਬਿੱਧੀਚੰਦ, ਡੇਰਾ ਜਿਆਣ ਤੋਂ ਬਲਬੀਰ ਸਿੰਘ ਰੱਬਜੀ, ਲੋਹੀਆਂ ਤੋਂ ਬਾਬਾ ਪਾਲ ਸਿੰਘ, ਡਾ. ਸੁਖਦਿਆਲ ਸਿੰਘ ਜੀ, ਸ਼੍ਰੋਮਣੀ ਕਮੇਟੀ ਮੈਂਬਰ ਸਰਦਾਰ ਦਲਜੀਤ ਸਿੰਘ ਜੀ ਭਿੰਡਰ, ਸੁਰਜੀਤ ਸਿੰਘ ਦਪੋਹਾ, ਭਗਵਾਨ ਸਿੰਘ ਜੋਹਲ, ਸੰਤ ਤੇਜਾ ਸਿੰਘ ਜੀ,  ਸਮੇਤ ਹੋਰ ਵੀ ਬਹੁਤ ਸਾਰੇ ਆਗੂ ਹਾਜ਼ਰ ਸਨ।

Comments

Post a Comment

Popular posts from this blog

Seechewal Model A Way of Prosperity….

What exactly is Seechewal Model ?

The Punjab like other states of India and the whole world today is facing a great environmental crisis. Ground water level of Punjab is depleting rapidly. All the natural water resources are polluted due to the dumping of untreated and poisonous industrial and domestic wastage into them. As a result of this, people at large are suffering from deadly diseases. Sant Balbir Singh Singh Seechewal has devised "Seechewal model", a simple pipe and pump formula, as an effective solution to this serious problem. It has been implemented at many places including village Seechewal and Sultanpur Lodhi. In fact it has been termed as 'Seechewal Model' by the Government of India. It has been adopted as a model for cleaning the Ganga apart from other rivers of India. Before this, the Government of India dwelled on the other countries for assistance- financial as well as technical. After all such efforts had failed, the need for searching alternatives…

Challenges of Environmental Pollution and its Solutions.

The year 2019 will be a memorable year because of the forthcoming 550th Prakash Purb of Guru Nanak Dev Ji on 12th November. The gursangats are waiting eagerly for the Samagams to be celebrated during this year. 500th Prakash Purb of Guru nanak Dev Ji the founder of the Sikh religion was celebrated in Sultanpur Lodhi in 1969 and there have been lot of changes during 50 years to this Prakash Purab. During these 50 years the downfall in the environment is the biggest challenge. These 50 years, human development has played with the nature to such extent that big changes can be seen from hill peaks to to the oceans. Means due to global warming the snow laden peaks of the hills have melted and the increase in the level of the sea, many islands in the low lying areas have drowned in the sea. If such behavior continues then low lying nations will become prey to the sea. These are the big changes which are visible in the world and its affect is also visible. During these 50 years, what the Pun…

ਸ਼ੁੱਧ ਵਾਤਾਵਰਣ ਤੇ ਤੰਦਰੁਸਤ ਸਮਾਜ ਹੀ ਦੇਸ਼ ਦੀ ਹੋਂਦ ਨੂੰ ਬਚਾ ਕੇ ਰੱਖ ਸਕਦਾ ਹੈ…

ਦੇਸ਼ ਦੀਆਂ 351 ਨਦੀਆਂ ਵਿੱਚ ਵਗ ਰਿਹਾ ਜ਼ਹਿਰੀਲਾ ਪਾਣੀ ਪਾਣੀ ਦੀ ਧਰਤੀ ਤਰਸੀ ਸਾਫ ਪਾਣੀਆਂ ਨੂੰ ਸੀਚੇਵਾਲ ਮਾਡਲ ਬਣ ਸਕਦਾ ਦੇਸ਼ ਲਈ ਰਾਹ ਦਸੇਰਾ
ਸੁਲਤਾਨਪੁਰ ਲੋਧੀ 4 ਦਸੰਬਰ ਭਾਰਤ ਦੇਸ਼ ਵਿੱਚ ਪਾਣੀ ਨੂੰ ਦੇਵਤਾ ਸਮਾਨ ਸਮਝਿਆ ਜਾਂਦਾ ਹੈ ਅਤੇ ਪੂਜਾ ਕੀਤੀ ਜਾਂਦੀ ਹੈ। ਉਹ ਅੰਮ੍ਰਿਤ ਵਰਗੇ ਪਾਣੀ ਜੋ ਜੀਵਨ ਵੰਡਦੇ ਆ ਉਨ੍ਹਾਂ ਨਦੀਆਂ ਦਰਿਆਵਾਂ ਨੂੰ ਪਿੰਡਾਂ ਅਤੇ ਸ਼ਹਿਰਾਂ ਦੇ ਗੰਦੇ ਤੇ ਜ਼ਹਿਰੀਲੇ ਪਾਣੀ ਪਾ ਕੇ ਨਿਰਜੀਵ ਬਣਾ ਦਿੱਤਾ ਹੈ। ਅਯੋਕੇ ਦੌਰ ਵਿੱਚ ਭਾਰਤ ਦੀਆਂ 65 ਫੀਸਦੀ ਨਦੀਆਂ ਭਿਆਨਕ ਰੂਪ ਵਿਚ ਪ੍ਰਦੂਸ਼ਿਤ ਹੋ ਚੁੱਕੀਆਂ ਹਨ। ਸਤਲੁਜ, ਬੁੱਢਾ ਦਰਿਆ, ਚਿੱਟੀ ਵੇਈਂ, ਕਾਲਾ ਸੰਘਿਆਂ ਡਰੇਨ, ਗੰਗਾ, ਯਮੁਨਾ, ਕਾਵੇਰੀ, ਭਦਰਾ, ਕ੍ਰਿਸ਼ਨਾ, ਗੋਦਾਵਰੀ, ਕੁਮਾਰਾਧਾਰਾ, ਤੁੰਗਾ, ਕਾਲੀ, ਭੀਮਾ, ਸ਼ਿਮਸ਼ਾ ਸਮੇਤ ਹੋਰ ਸੈਂਕੜੇ ਸਹਾਇਕ ਨਦੀਆਂ ਵੀ ਇਸ ਵਿਚ ਸ਼ਾਮਿਲ ਹਨ। ਸਤਲੁਜ, ਗੰਗਾ ਅਤੇ ਯਮੁਨਾ ਦਾ
ਪਾਣੀ ਇਸ ਹੱਦ ਤੱਕ ਖਰਾਬ ਹੈ ਕਿ ਇਹ ਇਨਸਾਨ ਤਾਂ ਕੀ ਪਸ਼ੂ, ਪੰਛੀ ਅਤੇ ਖੇਤੀ ਦੇ ਵੀ ਕਾਬਿਲ ਨਹੀਂ। ਇਸ ਗੱਲ ਦਾ ਪ੍ਰਗਟਾਵਾ ਕੇਂਦਰੀ ਪ੍ਰਦੂਸ਼ਣ ਕੰਟਰੋਲ ਬੋਰਡ ਵੱਲੋਂ ਆਰ.ਟੀ.ਆਈ ਦੇ ਦਿੱਤੇ ਗਏ ਜਵਾਬ ਰਾਂਹੀ ਹੋਇਆ ਹੈ। ਸੀ.ਪੀ.ਸੀ.ਬੀ ਮੁਤਾਬਕ ਦੇਸ਼ ਦੀਆਂ ਨਦੀਆਂ ਦੇ ਕਿਨਾਰੇ ਵਸੇ ਹੋਏ ਸ਼ਹਿਰ ਸਭ ਤੋਂ ਵੱਧ ਕੁਦਰਤ ਦਾ ਵਿਨਾਸ਼ ਕਰ ਰਹੇ ਹਨ ਕਿਉਂਕਿ ਜ਼ਿਆਦਾਤਰ ਸ਼ਹਿਰਾਂ ਵਿਚ ਅਜੇ ਤੱਕ ਵੀ ਸੀਵਰੇਜ ਟ੍ਰੀਟਮੈਂਟ ਪਲਾਂਟ ਨਹੀ ਹਨ। 521 ਨਦੀਆਂ ਦੇ ਪਾਣੀ ਦੀ ਗੁਣਵਤਾ ਬਾਰੇ ਸੀ.ਪੀ.ਸੀ.…